«الباقي.. باقي الموبايل يا فندم»

يا سلااااام! لو كلنا سمعنا الجملة دي واحنا بنشتري أي موبايل جديد، أكيد كلنا بنحلم يتبقى معانا فكة نروّح بيها بعد الشراء، بس دايمًااللي بيحصل عكس ده؛ وبيبقى لازم ندفع مبلغ وقدره ونروّح بيوتنا بندعي ربنا إن الموبايل يكونيستاهل المبلغ ده، ودايمًا بيبقى فيه اقتناع داخلي جوّانا إن الموبايلات الرخيصة ما بتكونش كافية أو مواصفاتها عامةً مش كويسةأو عمرها الافتراضي بيخلص بسرعة، فبنخاف منلاقيش حاجة كويسة بسعر رخيص.

عشان كده جبنالك في المقال ده أفضل أرخصالموبايلات الموجودة في السوق الليتقدر تشتريها وانت مطمن من غير ما تقلق من إمكانيات أو عمر افتراضي، لكن خد بالك إن على الرغم من إننا بنتكلم عن الأرخص لكن معايير الرُخص اختلفت دلوقتي عن زمان.

Lenovo P2

Lenovo P2 سعره دلوقتي 5199 جنيه مصري ومواصفاته أعلى من السعر ده، فشاشته مننوع سوبر أموليد حجمها 5.5 بوصة محمية من الخدوش، وبتاخد 71.7% من حجم الجهة الأمامية للجهاز، جودة الشاشة 1920×1080 بكسل وكثافتها 401 نقطة في البوصة.

البطارية تستحمل معاك يومين من غير شحن عشان هي سعتها 5100 مللي أمبير، وعلى فكرة سعة البطارية دي مش موجودة في كتير من الموبايلات الغالية المعروفة.

هو كمان بيشتغل بمعالج كويس بالنسبة لسعره وهوQualcomm MSM8953 Snapdragon 625، وذاكرته الداخلية حجمها 32 أو 64 جيجابايت، أما الرامات فهي 4 جيجابايت.

الكاميرا بتاعته محدودة الإمكانيات لكن مناسبة للسعر، فالكاميرا الخلفية بدقة 13 ميجابكسل بفتحة عدسة عريضة f/2.0، والكاميرا الأمامية دقتها 5 ميجابكسل بفتحة عدسة f/2.2.

Moto G5

Moto G5 سعره أقل بكتير من Lenovo P2 لإن إمكانياته أقل بكتير برضه، لكن لازالت كويسة بالنسبة للسعر، فسعره في السوق 2899 جنيه مصري.

أما عن مواصفاته، فهو جاي بجسم معدني قوي وبشاشة 5 بوصة بتغطي حوالي 65.4%من الجهة الأمامية، جودة الشاشة 1920×1080 بكسل وكثافتها 441 نقطة في البوصة، وكمان فيه مستشعر للبصمات في الناحية الخلفية ليه.

الذاكرة الداخلية حجمها 16 أو 32 جيجابايت بتقبل التوسع عن طريق كارت ذاكرة خارجية حجمه ممكن يوصل لـ 256 جيجابايت، أما الرامات فهي حجمها 2 أو 3 جيجابايت.

الكاميرا الأساسية دقتها 13 ميجابكسل وبفتحة عدسة f/2.0 وكاميرا السيلفي دقتها 5 ميجابكسل بفتحة عدسة f/2.2، أما عن البطارية فهي سعتها 2900 مللي أمبير بس.

Moto G4 Play

Moto G4 Play تقريبًا من أرخص الهواتف اللي هتلاقيها في السوق، فسعره 2514 جنيه مصري، اللي كويس فيه إنه شغال بنظام تشغيل أندرويد إصدار 6.0.1 (مارشميلو) وممكن يتحدث لإصدار 7 (نوجا) وده معناه إنه هيشتغل بآخر نسخة تحديث للسوفت وير اللي فيه كتير من الموبايلات الكبيرة ما اشتغلش بيه لحد دلوقتي.

أما عن باقي المواصفات فهي كويسة جدًا بالنسبة لسعره، فشاشته حجمها 5 بوصة وجودتها قليلة 1280×720 بكسل وكثافتها 294 نقطة في البوصة. الذاكرة حجمها 8 أو 16 وممكن تتوسع عن طريق كارت ذاكرة خارجية يقدر يوصل حجمها لـ 256 جيجابايت، أما الرامات فحجمها 1 أو 2 جيجابايت.

الكاميرا الأساسية دقتها 8 ميجابكسل بفتحة عدسة f/2.2، الكاميرا الثانوية دقتها 5 ميجابكسل بفتحة عدسة f/2.2 برضه. البطارية مناسبة للإمكانيات فهي سعتها 2800 مللي أمبير.

Moto G4 Plus

Moto G4 Plusجاي تقريبًا بنفس مواصفات وحجمMoto G4 لكن بكاميرا أحسن من موبايلات كبيرة وجودة شاشة أعلي وبسعر مناسب 3290 جنيه مصري، أصل الكاميرا الأساسية جاية بدقة 16 ميجابكسل وبفتحة عدسة f/2.0 تخليك تقدر تصور صور مميزة من غير ما تكون محتاج لموبايل فيه كاميرا أفضل، وكاميرا السيلفي دقتها 5 ميجابكسل بفتحة عدسة f/2.2 برضه وفيها خاصية auto-HDR، أما الشاشة فحجمها 5.5 بوصة محمية من الخدوش جودتها Full HD وكثافتها 401 نقطة في البوصة.

هو برضهفيه مستشعر للبصمات وبطاريته قوية بالنسبة لإمكانياته لإن سعتها 3000 مللي أمبير.

ولو حابب تتعرف أكتر على مواصفات الأجهزة دي بشكل مفصّل أو على مواصفات موبايلات تانية أصدرتها شركة أبل،سامسونج، سوني أو أي شركة تانية خش علىMobiHub، وتقدر من عليه تتعرف مش بس على إمكانياتهم لكن كمان أسعارهم ومميزاتهم وعيوبهم عن طريق الشرح المفصل اللي مع كل جهاز، وكمان ممكن تقارن ما بين مواصفات كذا جهاز مع بعض، كل اللي عليك إنك تختار الموبايل وتكتبه في خانة البحث وهيظهرلك كل اللي يخصه، أو ممكن تخش علىMobihall أو Mobiles Gate اللي هيزودوك بمقالات عن أي حاجة ممكن تيجي في بالك عن الموبايلات والتكنولوجيا الخاصة بيهم.

أو ممكن تدخل على ياقوطة من مصر والسعودية والأمارات وتعرف كل اللى انت عايزة و تقارن مابين اللى انت محتاجه.